DUNIYA WATAN HAI

ROSHAN ALI NASHAD

IK HIND HI KYA HAI YARON'
SAREE ZAMEEN WATAN MERA HAI'
IK PHOOL HI FAQAT PYARA NAHIN MUJHKO'
SARA CHAMAN MERA HAI''

NA KEHTE HUE BHI KEHNA PADTA HAI' KE HINDUSTAN KE MULKI QAWANEEN O AYEEN MEIN TAZAAD HAI' JAMHURI NIZAM TO HAI LEKIN AKSAR KAI BAR TANASHAAHI BHI NAZAR ATI HAI' KYA SIRF VANDE MATARAM OR JANA GANA MANA' GA LENA HI EK HINDUSTANI YA KISI MUSALMAN KE WATANPARAST HONE KI PEHCHAN O DALEEL HO SAKTI HAI' SHAYAD KABHI NAHI' AGAR WAQAI MEIN HINDUSTANI QAWANEEN AAZAD KHAYAL JAMHOORI AUR SECULAR HAI TO KYUN NAHIN 'SAARE JAHAN SE ACHCHA HINDOSTAN HAMARA' QAUMI TARANE KO MUSALMANO K LIE MAKHSOOS KAR DIA JATA. UMMEED HAI KE QAWANEEN MEIN YE IZAFA IS BAAT KI DALEEL BANEGA KE HINDOSTAN MUSALMANO KA BH HAI' ISSE NAFRATEN KAM HONGI MULK MEIN AMAN O CHAIN HOGA' WAISE BHI TO HINUSTAN NE MAZHAB KE BINA PE MUSALMANO K LIE MUSLIM PERSONAL LAW BOARD KA WUJOOD QAYAM RAKHA HAI' PHIR AKHIR KYUN IS AMR KE MUTALLIQ HUKUMATE HIND KUCH NAHIN KARTI' KYA MUSLIM PERSONAL LAW BOARD KI TASHKEEL SIRF MUSALMANO KO CHAAR SHADI KARNE KI IJAZAT KE LIE KI GAYI THI' YA PURI SHARIYAT PE AMAL PAIRA HONE KI IJAZAT O AAZADI BHE DETA HAI' YANI KYA HUKUMATE HIND AUR ISKE QAWANEEN ISMEIN DAKHALANDAZI O TAHREEF KA KOI AYINI HAQ RAKHTE HAIN. AGAR MULKI AAYEEN O QAWANEEN' CONSTITUITIONAL LAW PURI IJAZAT DETA HAI TO KHOOB LEKIN AGAR PURI IJAZAT NAHIN DETA TAB TO KEHNA PADEGA KE INDIA ABHI MUKAMMIL TAUR PAR SECULAR BANA HI NAHIN' KYUNKE YE SABHI JANTE HAIN KE ISLAM K PAAS APNI SHARIYAT YA QANOON HAI OR KOI BHI MUSALMAN APNE MAZHAB YANI ISLAMIC LAW KO AWWAL TARJEEH DEGA BANISBAT KISI BHI QISM KE QANOON YA MULKI QANOON KE. BHALA EK SECULAR MULK YA SIYASATDAAN KYUNKAR MUSALMANO KE DEEN O AQIDE PE ROK LAGA SAKTE HAIN' KYUNKAR UNHEN APNE LAW PAR CHALNE SE ROK SAKTE HAIN' JABKI IS LAW YANI SHARIYATE ISLAM PE CHALNE KI IJAZAT WO KHUD MUSLIM PERSONAL LAW BOARD KI TASHKEEL K ZARIYE BHI AUR MULKI AAYEEN K ZARIYE BHI DETA HAI' KYA JUNGE AZADI KE REHNUMA NAHIN JANTE THE KE MUSALMAN WOH QAUM HAI JISKE LIE MAZHAB PEHLE HAI OR QAUM YA NATION BAAD MEIN HAI. AB AGAR MUSALMANO KI IS FIKR O AQIDE SE AAGAH HONE K BAWAJOOD IS MULK MEIN UNHEN REHNE DIA TO KAUN IS MULK KA GHADDAR HAI YE AASANI SE KAHA JA SAKTA HAI' OR AGAR YE UN GUZISHTA SIYASATDANO KE JHOOTE SECULAR NATION KE NAAM PAR UNKI DAYANATDARI KA MUZAHIRA THA TO YE KEHNA PADEGA K MUSALMANO KO IS MULK MEIN QAID KAR LIA GAYA HAI TAKI QASSAS LIA JA SAKE TIL TIL KAR MARA JA SAKE' YE KYA HO GAYA HAI IS MULK KE SIYASATDANO KO KE MULKI QANOON KO JAWAZ BANAKAR OOSE DHAAL BANAKAR HINDUTWA PE CHALNE KO BADI AIYYARI KE SATH MUSALMANO KO MAJBUR KIA JA RAHA' YANI LABBOLUBAB YE KE WO MUSALMAN TAB TAK DESHBHAKT NAHIN HO SAKTA JAB TAK WO BHARAT KO APNI MAA NA MAAN LE JAB TAK OOSE TAQDEER KA FAISLA KARNE WALI MUQADDAR LIKHNE WALI NA MAAN LE OR WO BHI SHAKLO SURAT WALI MURTAT WALI' YANI MUSALMANO KO KHUDKO DESHBHAKT SABIT KARNE K LIE MUSHRIK BANNA PADEGA. OR JO MUSHRIK BANA WO BHALA MUSALMAN KYUNKAR HO SAKTA HAI' SAMJHO SAB EK HI SAF PE AA GAYE' AB AAP HI FAISLA KAREN KYA YEHI ADAALAT INSAAF HAI.
JAI HIND.
BY

ROSHAN ALI NASHAD